E Aran, tà on vò anar?

Tanben a passat er 11S entà Aran, encara que dilhèu non ac semble, non me conste que gessesen autocars dera Val entà Barcelona, en carrer, ben just ére ua noticia més.

E acrò que vò díder? desinterés? distància? sense dubte er Aran politic ac à seguit d’aprop, e eth non politic, me dà era sensacion que un shinhau desorientat.

Es politics non s’an prononciat dubertament, seguraments pera tant pesada dependència politica des partits catalans e espanhols, « non sigue que me toquen era cresta ».

E ara que? que mos cau a nosati? que mos conven?, me semble qu’ei ua question interior de molti aranesi.

Semble, que per sinergia, mos convierie era independencia de catalonha, mes eth desconeishement en catalonha der het aranés me hè dubtar, pogui son es que saben dera peculiaritat der Aran, dera reau disparietat d’Aran damb Catalonha, era madeisha disparietat qu’eri volen jostificar en Espanha. Sò tip de sénter mieis e persones publiques de contrastada repotacion parlar dera lengua oficiau de catalonha, en singolar, obviant que ja hé fòrça ans qu’er aranés tanben ei oficiau en Catalonha. Ara ben, ei oportoniste guardar sonque tà dehòra e colpar des nosti maus e fautes ara resta deth mon. Mos cau her autocritica, sò segur que ém ben pogui es aranesi que sabem qu’era nòsta lengua ei oficiau en catalonha, e çò qu’ei més greu, ara màger part tanpòc les preocupe de non sabèc.

Per un aute costat, tanben me è dubtar dera sinergia positiua, er het que a ores d’ara Aran tanben à era sua propia « disposició adicional tercera », ei a díder, que ço que predique era Generalitat que no arriben es sòs de Madrid, ei çò madeish que eri ara que van mau dades estan hén damb Aran.