CDA governarà Vielha

Semble que finauments s’à acavat eth seriau. CDA governarà er ajuntament de Vielha e Mijaran pendent aguesta legislatura. Enorabona a Alex, e a toti aqueri, sustot es joeni, que ara, en aguesti moments tant convulsi, dan un pas endeuant.

Aguest còp, eth finau semble quaquarren més lògic, governe era fòrça més votada, tot e que metudi a soniar, es votants dilhèu mos auríem estimat més un pacte CDA-UA, més era istorica bipolaritat en Aran, à deteriorat eth panorama, e aguestes causes, semblen ara, acró, un sòmi.

Ei massa premi, que damb un cosso e 241 vòts s’artenhen segontes quines responsabilitats e segontes quini « beneficis ».

Mes, auent en compde qu’enes eleccions de 2007, governeren es dues forces mens votades, causa totaumens democratica, e que damb 268 vòts e un cosso, eth PP à auut era alcaldia (teorica, pr’amor que tostemp auie de gésser eth primer tinent d’alcalde pr’amor qu’er alcalde deuie éster en viatges de negocis, reunit, o ben indispausat), torni a díder, qu’enquià que se coneishen es permenors deth pacte, semble que quaquarren s’à aprenut.

Mes, ara me questioni, peth peatge d’aguest pacte. Non auem de desbrembar qu’eth politic ei tà servir ath pòble e non tà servísse deth pòble.

• Aura Vielha delegacion en Calafell
• Guaire li costaran mesaderaments ath municipi, toti es salaris e plusi pactadi?. E non me malinterpretegatz, Vielha à d’auer un alcalde damb dedicacion exclusiua e un bon jornau, en acró semble que non i à dubtes.
• Afectarà eth pacte ac Conselh, non desbrebegatz qui porte era negociacion.